وزیر اعلاسندھ نے سکولاں وچ رقص سکھان دی اجازت دے دِتی،جماعت اسلامی دا فیصلے خلاف عدالت وچ جان دا اعلان

کراچی(پاکستان پوائنٹ نیوز24۔اکتوبر۔2016ء) وزیر اعلا سندھ سید مراد علی شاہ نے تعلیمی اداریاں وچ رقص اُتے پابندی دا نوٹی فکیشن رَد کر دِتا، جماعت اسلامی نے ایس فیصلے خلاف عدالت وچ جان دا اعلان کیتا اے۔

وزیر اعلا سندھ نے آکھیا کہ انتہا پسند ڈکٹیشن نہ دین، نوٹی فکیشن جاری کرن والے خلاف کارروائی ہووے گی۔ تفصیل دے مطابق سندھ دے سکولاں وچ موسیقی تے رقص دی تعلیم اُتے پابندی دے نوٹی فکیشن نوں وزیر اعلا سید مراد علی شاہ نے رَد کر دِتا۔

وزیر اعلا نے آکھیا

کہ انتہا پسند ڈکٹیشن نہ دین، موسیقی تے رقص لبرل معاشرے دا حصا اے۔ اوہناں نے آکھیا کہ پیپلز پارٹی دے ترقی پسند ایجنڈے نوں ہائی جیک نہیں ہون دِتا جائے گا، ثقافتی ورثے تے تحفظ لئی سندھ دی حکومت اقدامات کردی رہوے گی۔

جہنے وی ایس سلسلے وچ نوٹی فکیشن جاری کیتا اوہدے خلاف کارروائی ہووے گی۔ یاد رہوے کہ دو دن پہلے سندھ ایجوکیشن ڈیپارٹمنٹ وچ پرائیویٹ سکولز دے ڈائریکٹر جنرل منسوب صدیقی نے نجی سکولاں وچ رقص سکھان دی پابندی دا نوٹی فکیشن جاری کیتا سی۔