وزیر اعظم دی اک وار فیر لفظاں دے چناؤ وچ وڈی غلطی مدینے دی ریاست دا ماڈل چین والا ماڈل قرار دے دتا، دنیا دی تاریخ وچ کدی نہیں ہویا کہ چین نے 30ورھیاں وچ 70کروڑ لوکاں نوں غربت وچوں کڈھیا، جدوں ایہ غریب لوک اُتے آئے تے ایہ چین دی طاقت بن گئے:لاہور وچ تقریب نال خطاب
اسلام آباد(پاکستان پوائنٹ نیوز23۔نومبر۔2018ء) وزیر اعظم عمران خان نے اک وار فیر الفاظ دا چناؤ کرن وچ وڈی غلطی کر دتی۔
اوہناں نے اج ایتھے 4ریل گڈیاں دی افتتاحی تقریب نال خطاب کردے ہوئے غربت مکان لئی چینی ماڈل نوں ریاستِ مدینہ دا ماڈل آکھن دی بجائے آکھیا کہ مدینے دی ریاست دا ماڈل چین والا ای ماڈل سی،دنیا دی تاریخ وچ کدی نہیں ہویا کہ چین نے 30ورھیاں وچ 70کروڑ لوکاں نوں غربت وچوں کڈھیا ۔
جدوں اوہ لوک غریب سن تے معیشت نوں اوہناں دا کوئی فائدہ نہیں سی پر جدوں اوہ اُتے آئے تے ایہ غریب لوک چین دی طاقت بن گئے۔
اوہناں نے تقریب نال خطاب کردے ہوئے آکھیا کہ شیخ رشید تُسیں جو کم کر رہے او ایہ پاکستان لئی بہت ضروری اے کیونکہ
ٹرین غریب طبقہ استعمال کردا اے۔
اسیں اوہ کراں گے جو چین نے کیتا۔ چین دیاں ساریاں پالیسیاں غریب لئی بنائیاں گئیاں سن۔ اوہناں نے آکھیا کہ دنیا دی تاریخ وچ کدی نہیں ہویا کہ چین نے 30ورھیاں وچ 70کروڑ لوکاں نوں غربت وچوں کڈھیا ۔
جدوں اوہ لوک غریب سن ملکی معیشت نوں اوہناں دا کوئی فائدہ نہیں سی پر جدوں اوہ اُتے آئے تے ایہ غریب لوک چین دی طاقت بن گئے۔
اسیں ایسے لئی ریاست مدینہ دے ماڈل دی گل کردے آں۔ مدینہ دی ریاست دا وی ایہو ماڈل سی۔ اوہناں نے آکھیا کہ ملک وچ ریلوے 45ارب رُپئے دے نقصان وچ سی۔
ہن ایہ نقصان 37ارب تیکرآ گیا اے۔ پی آئی اے دا 400ارب دا نقصان ہو رہیا سی ایس نقصان نوں وی ہیٹھاں لیجاواں گے۔