قطری شہزادے تلور دے شکار لئی ماہنی تھل اپڑ گئے،کساناں دا احتجاج قطری وفد وچ شہزادہ شیخ محمد بن خلیفہ سنے 10بندے شامل نیں
بھکر(پاکستان پوائنٹ نیوز23۔نومبر۔2018ء) قطری شہزادے تلور دا شکار کرن لئی پاکستان اپڑ گئے نیں۔ تفصیل دے مطابق قطری شہزادے تلور دے شکار لئی ماہنی تھل اپڑ گئے۔
قطری وفد وچ شہزادہ شیخ محمد بن خلیفہ سنے 10بندے شامل نیں۔ تھل دے علاقے کاتی مار تے ماہنی نیڑے اوہناں لئی اک خیمہ بستی وی قائم
کر دتی گئی اے۔
قطری شہزادیاں دے ماہنی تھل اپڑن اُتے مقامی کساناں نے احتجاج وی کیتا اے۔ کساناں دا آکھنا اے کہ قطری شہزادیاں دی آمد نال ساڈیاں فصلاں خراب ہوندیاں نیں۔
اوہناں دیاں گڈیاں ساڈیاں فصلاں نوں نقصان اپڑاندیاں تے ساڈا جو نقصان ہوندا اے اوہ بھریا وی نہیں جاندا۔