سیالکوٹ(پاکستان پوائنٹ نیوز15۔نومبر۔2018ء) سمارٹ فونز دی ورتوں عام ہون مگروں سمارٹ فونز ورتن والیاں ولوں سوشل میڈیا دا استعمال وی بہت ودھ گیا اے۔
سوشل میڈیا اُتے دنیا بھر دے لوک اک دوجے نال صرف اک بٹن دبھ کے ای رابطہ کر لیندے نیں۔ سوشل میڈیا دی وجہ توں جتھے دنیا وچ ہزاراں میل دور بیٹھے لوک دوست بنے اوتھے کُجھ لوکاں نوں ای سوشل میڈیا راہیں اپنی محبت وی مل گئی۔
کُجھ دن پہلاں ای اک امریکی سوانی پاکستان مُنڈے دی محبت وچ گرفتار ہو
کے سیالکوٹ اپڑ گئی۔تفصیل مطابق 41سال دی امریکی سوانی 21ورھیاں دے پاکستانی مُنڈے نال ملاقات لئی لما پینڈھا طے کرکے پاکستان دے شہر سیالکوٹ اپڑ گئی۔
41ورھیاں دی ہیلینا دی 21ورھیاں دے کاشف نال ملاقات سوشل میڈیا اُتے ہوئی۔ دوناں وچ دوستی ہوئی جیہدے مگروں ایہ دوستی محبت وچ بدل گئی۔
ہیلینا نے کاشف نال محبت دا اظہار کیتا، جیہدے مگروں دوناں نے ویاہ کرن دا فیصلا کیتا۔کاشف نال ویاہ کرن توں پہلاں امریکی سوانی نے اسلام قبول کیتا۔