لاہور ہائیکورٹ: بھارتی فلماں دی نمائش اُتے وفاق کولوں جواب طلب بھارتی فلماں لئی امپورٹ پالیسی وفاقی حکومت دی منظوری بغیر جاری کیتی گئی
لاہور(پاکستان پوائنٹ نیوز09۔اکتوبر۔2018ء) لاہور ہائیکورٹ نے بھارت فلماں دی نمائش اُتے پابندی لئی درخاست اُتے وفاقی حکومت نُوں جواب داخل کروان لئی مہلت دے دِتی اے۔
لاہور ہائیکورٹ دے جسٹس ساجد محمود سیٹھی نے پاکستان وچ بھارتی فلماں دی نمائش اُتے پابندی بارے درخاست اُتے سنوائی کیتی۔
درخاست وچ بھارتی فلماں دی پاکستان وچ نمائش
نُوں چیلنج کیتا گیا۔ سنوائی دوران درخاست گزار دے وکیل نے قانونی نکتہ چُکیا کہ بھارتی فلماں دی نمائش لئی امپورٹ پالیسی وفاقی حکومت دی منظوری دے بغیر جاری کیتی گئی ایس لئی فلماں دی نمائش غیر قانونی اے۔
درخاست گزار دے وکیل نے استدعا کیتی کہ بھارتی فلماں دی نمائش دے حوالے نال امپورٹ پالیسی نُوں کالعدم قرار دتا جاوے۔