ہن ساریاں نوں گھر ملے گا!حکومت دا ’انصاف ہومز‘ منصوبہ شروع کرن دا فیصلا منصوبے دے تحت لاہور سنے ملک بھر وچ 25لکھ گھر بنائے جان گے
اسلام آباد(پاکستان پوائنٹ نیوز24۔ستمبر۔2018ء) تحریک انصاف دی حکومت نے نویں گھر بنان دے حوالے نال منصوبے دا اعلان کر دتا اے۔
میڈیا رپورٹس مطابق تحریک انصاف دی حکومت نے ’انصاف ہومز‘ دے ناں توں منصوبہ شروع کرن دا فیصلا کیتا اے۔ منصوبے دے تحت لاہور سنے ملک بھر وچ 25لکھ گھر بنائے جان گے۔
وزیراعظم عمران خان نے مہینے اندر منصوبے
اُتے کم شروع کرن دی ہدایت کیتی اے۔یاد رہوے کہ وفاقی حکومت نے غریب لوکائی لئی 50ملین گھر بنان دا اعلان کیتا سی۔
اک رپورٹ وچ دسیا گیا سی کہ وفاقی حکومت ولوں بنائے جان والے گھر بے گھر بندیاں نوں قسطاں اُتے دتے جان گے۔ حکومت ولوں ایہ گھر وکھو وکھ شہراں وچ بنائے جان گے۔ ایس حوالے نال وفاقی حکومت نے حکمت عملی وی تیار کر لی اے۔