خواجا آصف لئی خطرے دی گھنٹی وج گئی تحریک انصاف دے عثمان ڈار نے کامیابی نوں الیکشن ٹربیونل وچ چیلنج کر دتا

لاہور(پاکستان پوائنٹ نیوز22۔ستمبر۔2018ء) تحریک انصاف دے رہنما عثمان ڈار نے مسلم لیگ (ن) دے رہنما خواجا محمد آصف دی عام انتخابات وچ کامیابی نوں الیکشن ٹربیونل وچ چیلنج کر دتا۔

تحریک انصاف دے رہنما عثمان ڈار نے اپنے وکیل کاظم علی ملک راہیں انتخابی عذرداری دائر کیتی اے۔ درخاست وچ کئی قسم دے اعتراض چُکے گئے نیں۔

درخاست گزار مطابق این اے 73سیالکوٹ توں کامیاب ہون والے (ن) لیگ دے رہنما خواجا محمد آصف نے کاغذات نامزدگی نال غیر تصدیق شدہ بیان حلفی جمع کروایا،

عثمان ڈار نے دعوا کیتا کہ خواجا آصف نے اپنے کاغذات نامزدگی وچ اثاثے ظاہر نہیں کیتے۔

درخاست گزار مطابق الیکشن کمیشن دا عملا الیکشن ایکٹ اُتے عملدرآمد کروان وچ ناکام رہیا تے 53پولنگ سٹیشناں دے پولنگ بیگز انتخابات دے اگلے دن جمع کروائے گئے۔

درخاست وچ ایہ نکتہ وی چُکیا گیا کہ 1406ووٹاں دے فرق دی وجہ توں دوبارہ گنتی دا حکم دتا جانا چاہیدا۔ انتخابی عذرداری وچ استدعا کیتی گئی کہ این اے 73توں خواجا آصف دی کامیابی دا نوٹی فکیشن کالعدم قرار دتا جائے۔