میں ایتھے اپنی بے عزتی کروان نہیں آیا،ریلوے نوں جنا ٹھیک کر سکدا سی میں کرن دی کوشش کیتی:ریلوے وچ کسارے بارے کیس دی سنوائی دوران سعد رفیق دا بیان تہاڈی کوئی بے عزتی نہیں کر رہیا، تُسیں گھروں سوچ کے آئے سی کہ عدالت دی بے حرمتی کرنی اے: چیف جسٹس دے ریمارکس

اسلام آباد(پاکستان پوائنٹ نیوز15۔ستمبر۔2018ء) سپریم کورٹ لاہور رجسٹری وچ ریلوے کسارے(خسارے) بارے آپ نوٹس کیس دی سنوائی ہوئی، سنوائی دوران سابق وزیر ریلوے خواجا سعد رفیق نوں عدالت سد یا گیا۔

تفصیل مطابق سابق وفاقی وزیر ریلوے خواجا سعد رفیق ریلوے وچ کسارے بارے کیس دی سنوائی دوران عدالت ساہمنے پیش ہوئے۔

چیف جسٹس نے خواجا سعد رفیق کولوں پُچھیا کہ خواجا صاحب کیہ تُسیں آڈٹ رپورٹ ویکھی اے؟خواجا سعد رفیق نے آکھیا کہ اسیں ریلوے نوں اپنے پیراں اُتے کھڑا کیتامیں ریلوے نوں جنا ٹھیک کر سکدا سی میں کرن دی کوشش کیتی۔

میں ایتھے اپنی بے عزتی کروان نہیں آیا۔ چیف جسٹس نے ریمارکس دتے کہ تہاڈی کوئی بے عزتی نہیں کر رہیا، تُسیں گھروں سوچ کے آئے سی کہ عدالت دی بے حرمتی کرنی اے، ایتھے تہاڈے کولوں جو پُچھیا جا رہیا صرف

اوہدا جواب دیو۔

تُسیں اپنا غرور گھر چھڈ کے آیا کرو۔ چیف جسٹس نے آکھیا کہ تُسیں اپنا رویہ ٹھیک کرو، کس گل دا غصہ اے تہانوں؟جیہدے اُتے خواجا سعد رفیق نے آکھیا کہ میں غصے وچ نہیں آیا۔

میں شاباش لین آواں تے جھڑک پے جاندی اے۔ رب گواہ اے میں عدلیہ دی توہین بارے سوچ وی نہیں سکدا۔ جیہدے اُتے جسٹس اعجاز الاحسن نے آکھیا تُسیں جواب جمع کرواؤ فیر ویکھدے آں کہ شاباش ملدی اے یاں نہیں۔

چیف جسٹس نے آکھیا کہ تُسیں کوئی وکیل کرو نہیں تے کسے کنسلٹنٹ نال صلاح کر کے جواب جمع کرواؤ۔ سعد رفیق نے آکھیا کہ میرا الیکشن اے۔

اک ہزار صفحیاں دی رپورٹ اے۔ میرے نال انصاف نہیں ہور ہیا۔ مینوں جواب جمع کروان لئی گھٹو گھٹ اک مہینہ دتا جائے۔ جیہدے مگروں عدالت نے سعد رفیق نوں اک مہینے دی مہلت دیندے ہوئے سنوائی ملتوی کر دتی۔