تحریک انصاف دے خاندانی سیاست دے دعوے دھرے دے دھرے رہ گئے ضمنی الیکشن وچ 2ٹکٹ پرویز خٹک دے گھر والیاں نوں جاری کر دتے گئے
پشاور(پاکستان پوائنٹ نیوز14۔ستمبر۔2018ء) ضمنی الیکشن وچ ارکان اسمبلی دے رشتے داراں نوں ٹکٹ نہ دین دا فیصلا تحریک انصاف نے آپے ای ہوا وچ اُڈا دتا۔
پی کے 61توں پرویز خٹک دے پُتر ابراہیم خٹک تے پی کے 64توں پرویز خٹک دے بھرا لیاقت خٹک نوں پارٹی ٹکٹ جاری کردتا گیا اے۔
تفصیل مطابق پاکستان وچ 25جولائی نوں ہون والے الیکشن مگروں کئی منتخب ارکان اسمبلی نے صوبائی و قومی اسمبلی دیاں سیٹاں خالی کر دتیاں سن۔
ایہناں سیٹاں اُتے ضمنی الیکشن دیاں تیاریاں وی جاری نیں۔
الیکشن کمیشن آف پاکستان نے 25جولائی دے عام انتخابات مگروں خالی ہون والیاں 27صوبائی اسمبلی تے 11قومی اسمبلی دیاں سیٹاں اُتے اکتوبر وچ ضمنی الیکشن کروان دا اعلان کیتا اے۔
14اکتوبر نوں ہون والے ضمنی الیکشن لئی تیاریاں جاری نیں۔ پر ضمنی الیکشن وچ ارکان اسمبلی دے رشتے داراں نوں ٹکٹ نہ دین دا فیصلا تحریک انصا ف نے آپے ای ہوا وچ اُڈا دتا اے۔
پی کے 61توں پرویز خٹک دے پُتر ابراہیم خٹک تے پی کے 64توں پرویز خٹک دے بھرا لیاقت خٹک نوں پارٹی ٹکٹ جاری کردتا گیا اے۔