نیب نے فواد حسن فواد سنے خاندان دے 14اکاؤنٹس دیاں تفصیلاں منگ لیاں بنک اکاؤنٹس وچ اک ہزار ملین توں ودھ پیسے موجود، رشتے داراں دے آمدنی وسیلیاں بارے وی تفتیش شروع:وسیلے
لاہور(پاکستان پوائنٹ نیوز25۔اگست۔2018ء) نیب نے فواد حسن فواد سنے خاندان دے 14بنک اکاؤنٹس دیاں تفصیلاں منگ لیاں نیں، فواد حسن فواد تے اوہناں دے رشتے داراں دے 14بنک اکاؤنٹس بارے پتا لگا اے، ایہناں بنک اکاؤنٹس وچ اک ہزار ملین توں ودھ پیسے پئے نیں، نیب نے فواد حسن فواد دے رشتے داراں دے آمدنی وسیلیاں بارے وی تفتیش شروع کر دتی۔
تفصیل مطابق سابق وزیر اعظم نواز شریف دے پرنسپل سیکرٹری کیویں ارب پتی بنے
نیب نے تفصیلاں اکٹھیاں کرنیاں شروع کر دتیاں نیں۔
نیب نے فواد حسن فواد تے اوہناں دی فیملی دے بنک بیلنس دیاں تفصیلاں حاصل کر لیاں نیں۔وقار حسن، رباب حسن تے انجم حسن دے بنک اکاؤنٹس سنے 14بنک اکاؤنٹس دیاں تفصیلاں حاصل کر لیاں گئیاں نیں۔
ایہناں بنک اکاؤنٹس وچوں اک بینک اکاؤنٹ وچ اک ہزار ملین توں ودھ پیسے پئے نیں۔ جو اک ارب توں ودھ بندے نیں ۔ایس توں وکھ نیب نے وقار حسن نوں فیر سد لیا اے۔