سابق بھارتی کرکٹر نوجوت سنگھ سدھو دی ایوان صدر وچ آرمی چیف نال ملاقات نوجوت سنگھ سدھو نے جنرل قمر جاوید باجوہ نال ہتھ ملایا تے گلے ملے

اسلام آباد(پاکستان پوائنٹ نیوز18۔اگست۔2018ء) نویں چُنے گئے وزیر اعظم عمران خان دی تقریب حلف برداری اج ایوان صدر وچ ہوئی۔

تقریب حلف برداری وچ نگران وزیر اعظم جسٹس (ر) ناصر الملک تے اوہناں دی کابینہ دے وزیراں، نویں چُنے گئے وزیر اعظم دی بیوی، نامزد صوبائی گورنراں، چیئرمین جوائنٹ چیفس آف سٹاف کمیٹی ،پاکستان آرمی، نیوی و ائر فورسز دے سربراہواں، سینیٹ، قومی اسمبلی، صوبائی اسمبلیاں دے ارکان، سابق ارکان پارلیمنٹ، غیر ملکی سفیراں و سفارتکاراں، سول و فوجی حکام، سابق سٹار کرکٹرز، غیر ملکی پروہنیاں تے ہور شعبیاں توں تعلق

رکھن والے لوکاں دی وڈی گنتی نے رلت کیتی۔

ایوان صدر وچ سابق بھارتی کرکٹر نوجوت سنگھ سدھو وی موجود سن۔ نوجوت سنگھ سدھو نے پاکستان دے چیف آف آرمی سٹاف جنرل قمر جاوید باجوہ نال ملاقات کیتی ۔

نوجوت سنگھ سدھو نے جنرل قمر جاوید باجوہ نال ہتھ ملایا تے اوہناں نال گلے وی ملے۔ ایس موقعے تے اوہ کُجھ دیر تیکر آرمی چیف جنرل قمر جاوید باجوہ نال گل بات وی کر دے رہے۔

دوجے پاسے نوجوت سنگھ سدھو دا پاکستانی آرمی چیف نال ہتھ ملانا تے گلے ملنا بھارتی میڈیا نوں چنگا نہ لگا تے اوہناں اپنے کھڈاری نوں تنقید دا نشانہ بنا دتا۔