اسلام آباد(پاکستان پوائنٹ نیوز17۔اگست۔2018ء) مسلم لیگ (ن) دے باغی رہنما چودھری نثار علی خان نے قومی اسمبلی دی سیٹ توں ضمنی الیکشن وچ حصہ لین بارے غور شروع کر دتا اے۔
تفصیل مطابق چودھری نثار علی خان قومی اسمبلی دی سیٹ توں ضمنی الیکشن وچ حصہ لین گے تے اک وار فیر اپنی قسمت آزمان گے۔
چودھری نثار علی خان دی گنتی مسلم لیگ (ن) دے پالیسی ساز رہنماواں وچ ہوندی سی پر پارٹی نال اختلافات دی وجہ توں اوہناں نوں الیکشن وچ وی ڈاڈھا نقصان ہویا تے
اوہ قومی اسمبلی دی کسے سیٹ توں کامیاب نہ ہو سکے۔
پر صوبائی اسمبلی دی سیٹ پی پی 10توں چودھری نثار علی خان کامیاب ہوئے۔ چودھری نثار علی خان نے پنجاب اسمبلی دی سیٹ توں نہ تے حلف چُکیا تے نہ ای سپیکر پنجاب اسمبلی دے چناؤ لئی پولنگ دے عمل وچ شامل ہوئے۔
چودھری نثار دے قریبی وسیلیاں دا کہنا اے کہ ہن نثار علی خان نے ضمنی الیکشن وچ قومی اسمبلی دا الیکشن لڑن بارے غور شروع کر دتا اے۔ اوہناں نیڑے صوبائی اسمبلی دی کوئی اہمیت نہیں۔