پنجاب سرکار نے سرکاری ملازماں نوں بُری خبر سنا دتی سی ایم آفس، گورنر ہاؤس، گورنر سیکرٹریٹ تے سول سیکرٹریٹ دے ملازماں دے سپیشل الاؤنسز ختم کرن دا فیصلا

لاہور( پاکستان پوائنٹ نیوز31۔جولائی۔2018ء ) پنجاب نگران سرکار نے سی ایم آفس، گورنر ہاؤس، گورنر سیکرٹریٹ تے سول سیکرٹریٹ دے ملازماں دے سپیشل الاؤنسز ختم کرن دا فیصلاکیتا اے۔

تفصیل مطابق نگران حکومت نے سرکاری ملازماں نوں بُری خبر سُنا دتی اے۔ پنجاب نگران سرکار دا وڈا فیصلا ساہمنے آیا اے۔

سی ایم آفس، گورنر ہاؤس، گورنر سیکرٹریٹ تے سول سیکرٹریٹ دے ملازماں دے سپیشل الاؤنسز ختم کرن دا فیصلا ساہمنے آیا اے۔

پنجاب دے ڈسٹرکٹ اٹارنی جنرل نوں دتا گیا سپیشل الاؤنس وی ختم کرن دا فیصلا کیتا گیا اے۔ حکومت نے ملازماں دے

3الاؤنسز کٹن دی سمری وزارت داخلا نوں گھل دتی۔

سمری مطابق سپیشل الاؤنس ختم کر دتا جائے گا۔ سیکرٹری خزانہ نے اپنے ای ملازماں دا بجٹ الاؤنس ختم کرن دی سفارش وی کیتی اے۔

محکمہ خزانہ پنجاب مگروں وزیر داخلا دی منظوری دے بعد ملازماں دے الاؤنسز ختم کر دتے جان گے۔ دسیا گیا اے کہ نگران حکومت ولوں ایہ فیصلا ملازماں وچکار فرق ختم کرن لئی کیتا گیا اے تے واضح طور اُتے آکھیا گیا اے کہ ہن کوئی وی ایسا الاؤنس نہیں دتا جائے گا جو کہ ملازماں لئی نہ ہوئے۔

صرف اوہی سپیشل الاؤنس ہوئے گا جو سارے ملازماں نوں دتا جائے گا۔