پاکپتن( پاکستان پوائنٹ نیوز26۔جولائی۔2018ء ) پاکپتن دے حلقہ این اے 145دا غیر حتمی غیر سرکاری نتیجہ ساہمنے آ یا اے۔ میڈیا رپورٹس مطابق حلقہ این اے 145دے 445پولنگ سٹیشناں دا رزلٹ ساہمنے آیا اے۔
غیر حتمی غیر سرکاری نتیجے مطابق ایس حلقے چوں (ن) لیگ دے احمد مانیکا اک لکھ 18ہزار 581ووٹ لین وچ کامیاب ہوئے نیں۔
جدکہ تحریک انصاف دے امیدوار محمد شاہ کھگہ 90ہزار 683ووٹ لے کے ناکام رہے۔ ایس حلقے وچ (ن) لیگ دے احمد مانیکا نے تحریک انصاف دے امیدوار نوں وڈی لیڈ توں ہرایا اے۔
چیتے رہوے کہ عام
انتخابات 2018 دے تحت پچھلے دیہاڑے ملک بھر وچ پولنگ ہوئی۔پر ہن وی غیر سرکاری غیر حتمی نتیجے آن دا سلسلا جاری اے۔
ایس سلسلے وچ قومی اسمبلی دیاں 272 وچوں 260سیٹاں دے کئی پولنگ سٹیشناں دے غیر سرکاری غیر حتمی نتیجے وی ساہمنے آ گئے نیں۔
ہن تیکر ملن والیاں اطلاعواں مطابق تحریک انصاف باقی جماعتاں توں اگے اے۔ قومی اسمبلی دیاں سیٹاں دے غیر سرکاری غیر حتمی نتیجے مطابق تحریک انصاف نے ہن تیکر 120، (ن) لیگ نے 61،پیپلز پارٹی نے 40جدکہ16آزادامیدواراں نے کامیابی حاصل کیتی اے۔