رجانہ( پاکستان پوائنٹ نیوز19۔جولائی۔2018ء ) اپنے قد پاروں دنیا بھر وچ مشہور ہون والی ایشیا دی سبھ توں لمے قد والی سوانی زینب بی بی 46سال دی عمر وچ چلانا کر گئی۔
میڈیا رپورٹ مطابق لمے قد والی سوانی زینب بی بی ٹوبہ ٹیک سنگھ دے دوالی پنڈ 285گ ب دی واسی سی۔ زینب بی بی دنیا دی دوجی جدکہ ایشیا دی پہلی سبھ توں لمے قد والی سوانی سی۔
لما قد ہون دی وجہ توں 2003وچ زینب
بی بی دا ناں گنیز بک آف ورلڈ ریکارڈ وچ شامل کیتا گیا سی۔ زینب بی بی دی عمر 46سال جدکہ قد 7فٹ 2انچ سی۔
زینب بی بی لمے چِر توں بیمار سی۔ زینب نوں شوگر تے گردیاں دی بیماری سی تے اوہدی موت وی ایہناں بیماریاں دی وجہ توں ہوئی۔
زینب بی بی نوں اوہناں دے جدی پنڈ وچ ای دفنایا گا۔ اوہناں دی نمازہ جنازہ تے سفر آخرت وچ خاندان توں وکھ ہور لوکاں نے رلت کیتی۔