نواز شریف تے مریم نواز نوں جیل وچ محنت مزدوری کرنی پئے گی

لاہور( پاکستان پوائنٹ نیوز06۔جولائی۔2018ء ) نواز شریف تے مریم نواز نوں جیل وچ محنت مزدوری کرنی پئے گی، نواز شریف تے مریم نواز کولوں جیل وچ جاری تعمیراتی کماں وچ مدد لتی جائے گی، بھانڈے دھونے تے قیدیاں لئی روٹی پانی دا بندوبست وی کرنا پے سکدا اے، چکی پیہن، جیل دی صفائی کرن تے ہور کماں وچ لایا جا سکد ااے۔

تفصیل مطابق اج احتساب عدالت ولوں ایون فیلڈ ریفرنس کیس دا فیصلا سُنا دتا گیا اے۔ فیصلے دے تحت سابق وزیر اعظم نواز شریف نوں 10، اوہناں دی دھی مریم نواز نوں 7تے داماد کیپٹن (ر) صفدر نوں اک سال قید دی سزا سُنائی گئی اے۔

نواز شریف اُتے 10ملین پاؤنڈ تے مریم نواز اُتے 2ملین پاؤنڈ جرمانہ وی

کیتا گیا اے۔ نواز شریف تے مریم نواز لندن وچ موجود نیں جدکہ کیپٹن (ر) صفدر ایس ویلے مانسہرہ وچ انتخابی مہم چلا رہے نیں۔

احتساب عدالت توں سزا ہون مگروں پولیس دی اک اُچیچی ٹیم کیپٹن (ر) صفدر نوں گرفتار کرن لئی مانسہرہ چلی گئی اے۔پر ہن خبر آئی اے کہ مریم نواز تے نواز شریف نوں سزا ہون مگروں جیل وچ محنت مزدوری کرنی پئے گی۔

نواز شریف تے مریم نواز کولوں جیل وچ جاری تعمیراتی کماں وچ مدد لتی جائے گی۔ مریم نواز تے نواز شریف نوں بھانڈے وی دھونے تے قیدیاں لئی روٹی پانی دا بندوبست وی کرنا پے سکدا اے۔

ایس توں وکھ اوہناں نوں چکی پیہن، جیل دی صفائی کرن تے ہور کماں وچ لایا جا سکد ااے۔