لاہور( پاکستان پوائنٹ نیوز14۔جون2018ء ) نکی عید دے موقعے تے سرکاری ملازماں نوں ایڈوانس تنخاہواں دین دا اعلان کیتا گیا سی پر نگران حکومت نے آؤندے ای سرکاری ملازماں دیاں خشیاں اُتے پانی پھیر دتا۔
نگران حکومت نے وفاقی و سرکاری محکمیاں دے ملازماں نوں ایڈوانس تنخاہواں دین دی بجائے مہینے دے آخیر وچ معمول دی تنخاہ دین دا اعلان کیتا جہینے سرکاری ملازماں دیاں خشیاں اُتے پانی پھیر دتا۔
نکی عید اُتے ایڈوانس تنخاہ نہ ملن اُتے سرکاری ملازماں دے مونہ لٹک گئے۔ ایس توں پہلاں خبر آئی سی کہ پنجاب دے سرکاری ملازماں نوں عید دے موقعے تے ایڈوانس تنخاہ دین دا معاملا نگران وزیر اعلا حسن عسکری دے ساہمنے پیش کیتا جائے گا۔
تے نگران وزیر اعلا دی منظوری مگروں ای سرکاری افسراں
و ملازماں نوں نکی عید اُتے ایڈوانس تنخاہ جاری کیتی جائے گی۔
پر نگران حکومت نے وفاقی و سرکاری محکمیاں دے ملازماں نوں ایڈوانس تنخاہواں دین دی بجائے مہینے دے آخیر وچ معمول دی تنخاہ دین دا اعلان کیتااے۔
سرکاری ملازماں لئی عید دیاں چھٹیاں دا اعلان کیتا گیا جیہدے تحت سرکاری ملازماں نوں نکی عید اُتے 15جون توں 18جون تیکر چھٹیاں ہون گیاں۔
پنجاب دے سرکاری ملازماں لئی بُری خبر اے کہ اوہناں نوں نکی عید دے موقعے تے ایڈوانس تنخاہ نہیں ملے گی۔ محکمہ خزانہ دا کہنا اے کہ قانون مطابق عید 20تاریخ مگروں ہوئے تے تنخاہ ایڈوانس ہو سکے گی پر ایس سال کیونکہ عید 20تاریخ توں پہلاں اے ایس لئی سرکاری افسراں و ملازماں نوں تنخاہ ویلے توں پہلاں دینا مشکل اے۔