پاکستانی واٹر کمیشن سُتا رہ گیا، بھارت نے اپنا کم کر وکھایا آبی دہشت گردی دے ماہر بھارت نے دریا ئے چناب تے جہلم دا پانی روک لیا

اسلام آباد(پاکستان پوائنٹ نیوز17۔مئی2018ء ) بھارت نے اپنی ہٹ دھرمی دا وکھالا کردے ہوئے دریاواں دا پانی روک لیا۔ میڈیا رپورٹ مطابق پاکستانی واٹر کمیشن سُتا رہیا جدکہ بھارت نے اپنا کم کر وکھیا۔

محکمہ آبپاشی دے وسیلیاں نے دسیا کہ بھارت نے دریائے چناب تے دریائے جہلم دا پانی روک لیا اے۔ بھارت نے دریائے چناب اُتے بگلیہار تے جہلم اُتے کشن گنگا ڈیم بنا لئے نیں۔

دریائے چناب دا 17ہزار کیوسک پانی بھارت نے روک لیا۔ کشن گنگا ڈیم بنن توں پہلاں پاکستان 10ہزار کیوسک پانی توں محروم ہو گیا اے۔

دوجے پاسے اج ای واپڈا نے پانی دے ذخیریاں وچ پانی دی آمد تے اخراج دے آنکڑے (اعداد و شمار) جاری کیتے۔ آنکڑیاں مطابق دریائے سندھ وچ تربیلا دے مقام اُتے پانی دی آمد 41200کیوسک تے اخراج 34200کیوسک ، دریائے کابل وچ نوشہرہ دے مقام اُتے پانی دی آمد 37000کیوسک تے اخراج 37000کیوسک، دریائے جہلم وچ منگلا دے مقام اُتے پانی دی آمد 37500کیوسک تے اخراج 35000کیوسک، دریائے چناب وچ مرالا دے مقام اُتے پانی دی آمد 17500کیوسک تے اخراج 7600کیوسک اے۔

تربیلا ڈیم دا گھٹو گھٹ آپریٹنگ لیول 1386فٹ، ڈیم وچ پانی دی موجودہ سطح 1394,38فٹ، ڈیم وچ پانی جمع کرن دی سطح 1550فٹ تے استعمال دے قابل پانی دا ذخیرہ 0.

087ملین ایکڑ فٹ اے۔

منگلا ڈیم دا گھٹو گھٹ آپریٹنگ لیول 1050فٹ ، ڈیم وچ پانی دی موجودہ سطح 1093,30فٹ ، ڈیم وچ پانی ذخیرہ کرن دی سطح 1242فٹ تے استعمال دے قابل پانی دا ذخیرہ 0.256ملین ایکڑ فٹ اے۔

ایسے طرحاں چشمہ بیراج دا گھٹو گھٹ آپریٹنگ لیول 638.15فٹ، بیراج وچ پانی دی موجودہ سطح 642.40فٹ ، بیراج وچ پانی جمع دی صلاحیت 649تے استعمال دے قابل پانی دا ذخیرہ 0.066ملین ایکڑ اے۔

پر بھارت دے ڈیم دی وجہ توں پاکستان وچ پانی دی ڈاڈھی کمی ویکھن نوں آ رہی اے۔