ایس ایس پی راؤ انوار نے اپنی معطلی نوں سندھ ہائی کورٹ وچ چیلنج کر دِتا

کراچی(پاکستان پوائنٹ نیوز19۔ستمبر2016ء) کراچی پولیس دے معطل ایس ایس پی راؤ انوار نے اپنی معطلی نوں سندھ ہائی کورٹ وچ چیلنج کر دِتا۔

تفصیل دے مطابق پیر دے دیہاڑے معطل ایس ایس پی راؤ انوار ولوں سندھ ہائی کورٹ وچ اپنی معطلی نوں چیلنج کردے ہوئے درخاست وچ موقف اختیار کیتا اے کہ اوہناں نے ایم کیو ایم رہنما خواجا اظہار الحسن دے گھر اُتے چھاپا قانون دے مطابق ماریا۔

راؤ انوار دا اپنی درخاست وچ ہور کہنا اے کہ اوہناں

دی معطلی دا حکم غیر قانونی اے ،ایس لئی مینوں نوکری اُتے دوبارا بحال کیتا جائے۔

یاد رہوے کہ ایس ایس پی ملیر راؤ انوار نوں 16 ستمبر نوں اوس ویلے معطل کر دِتا گیا سی جدوں اوہناں دی ہدایت اُتے پہلے ایم کیو ایم دے رہنما وسندھ اسمبلی وچ اپوزیشن لیڈر خواجا اظہار الحسن دے گھر اُتے چھاپا ماریا تے بعد وچ اوہناں نوں گرفتار کر لِتا گیا۔

جہدے بعد وزیر اعلا سندھ نے ایس ایس پی راؤ انوار نوں معطل کرن دا حکم جاری کر دِتا۔