سینیٹ الیکشن وچ کیہنے نوٹ لئے تے کیہنے دتے؟ تحریک انصاف دے رکن اسمبلی نے کچا چھٹا کھول دتا

اسلام آباد(پاکستان پوائنٹ نیوز24۔مارچ2018ء) سینیٹ الیکشن وچ کیہنے نوٹ لئے تے کیہنے دتے؟تحریک انصاف دے رکن اسمبلی نے کچا چھٹا کھول دتا؟ تفصیل مطابق اپنے ارکان اُتے ضمیر ویچن دا الزام تے عمران خان نے وی لایا پر ہن تحریک انصاف دے رکن اسمبلی نے دھماکے دار انکشاف کیتا اے۔

ایم پی اے عبید اللہ مایار نے انکشاف کیتا اے کہ الیکشن دوران تحریک انصاف دے امیدوارں نے ارکان اسمبلی نوں پیسے دتے، ہن سینیٹرز فدا محمد

خان پیسیاں دی واپسی دی منگ کر رہے نیں، آکھدے نیں کہ تُسیں ووٹ نہیں دتا ایس لئی پیسے واپس کرو۔

دوجے پاسے سینیٹر فدا حسین نے ایس الزام نوں رد کردے ہوئے آکھیا کہ میں ناراض لوکاں نوں فون کیتا ، پیسیاں دی کوئی گل نہیں ہوئی۔

تحریک انصاف دے رکن مطابق 22ایم پی ایز نوں 50لکھ توں 1کروڑ رُپئے اگلے الیکشن وچ خرچ کرن دے ناں توں دتے گئے۔ عبید اللہ مایار نے سینیٹر فدا حسین خلاف عدالت جان دی دھمکی وی دتی اے۔