کراچی(پاکستان پوائنٹ نیوز23۔مارچ2018ء) نقیب اللہ قتل کیس وچ گرفتاری دین والے سابق ایس ایس پی راؤ انوار نے مڈھلی تفتیش دوران نقیب اللہ سنے 4شہریاں نوں قتل کرن دا سارا ملبہ اپنے ماتحت افسراں و اہلکاراں اُتے پا ندے ہوئے واقعے توں بے خبری دا اظہار کیتا اے۔
راؤ انوار نے تفتیش دوران اپنے پہلے دن والے ای بیان نوں دُہراندے ہوئے اوہناں افسراں واہلکاراں دے کردار نوں واضح کیتا اے جیہناں نے نقیب نال مقابلے تے دہشت گرد ہون دی بریفنگ تے اطلاع دتی سی۔
تحقیقاتی کمیٹی وچ شامل اک افسر نے ناں ظاہر نہ کرن اُتے دسیا کہ نقیب اللہ سنے 4شہراں نوں مبینہ مقابلے وچ ہلاک کرن دے حوالے نال سابق ایس ایس پی ملیر راؤ انوار توں
تحقیقاتی کمیٹی نے تفتیش شروع کر دتی اے۔
وسیلیاں نے دسیا کہ سابق ایس ایس پی راؤ انوار نے تحقیقاتی کمیٹی وچ شامل افسراں نوں مڈھلی تفتیش دوران دسیا کہ 13جنوری نوں شاہ لطیف ٹاؤن پولیس نے مقابلے دوران نقیب اللہ سنے چار بندیاں نوں ہلاک کیتا سی، جیہدی اطلاع پولیس کنٹرول راہیں واکی ٹاکی اُتے ملی سی تے اوہناں نے چھیتی ایس ایچ او شاہ لطیف امان للہ مروت نال رابطہ کیتا تے اوہناں نے وی مقابلے بارے دسیا۔
ایس اطلاع اُتے جدوں موقعے تے اپڑیا تے مقابلا ختم ہو گیا سی پر اوتھے ڈی ایس پی قمر احمد تے ایس ایچ او شاہ لطیف امان اللہ مروت اپنی پولیس پارٹی نال وقوعہ اُتے موجود سن جو قانونی کارروائی کر رہے سن۔