لاہور(پاکستان پوائنٹ نیوز22۔فروری2018ء) چودھری نثار علی خان نوں (ن) لیگ وچوں بے دخل کرن دا فیصلا کیتا گیا اے۔ تفصیل مطابق نواز شریف نوں پارٹی صدارت توں نااہل قرار دتے جان مگروں (ن) لیگ وچ نویں صدر دے ناں دے حوالے نال مشورہ جاری اے۔
ایس حوالے نال چودھری نثار علی خان گروپ وی متحرک ہو گیا اے۔ (ن) لیگ دے کئی سینئرز رہنما چودھری نثار نوں پارٹی صدر بنان لئی میدان
وچ آ گئے نیں۔
ایہناں رہنماواں وچوں کئی ایس طرحاں دے وی نیں جو چودھری نثار دے مخالف وی رہ چکے نیں۔ ایہناں رہنماواں دا موقف اے کہ اوہ مریم نواز نوں پارٹی صدر کسے صورت قبول نہیں کرن گے۔
ایس ساری صورتحال وچ نواز شریف نے چودھری نثار توں لاتعلقی دا اعلان کرن دا فیصلا کیتا اے۔ آؤندے الیکشن وچ چودھری نثار علی خان نوں پارٹی ٹکٹ وی نہیں دتا جائے گا۔