سیاست وچ نوابزدہ نصر اللہ دی کمی طاہر القادری نے پوری کیتی: آصف زرداری سعودی عرب وچ کیہ ہو رہیا اے ایہدا مینوں پتا نہیں، سعودی عرب وچ کرپشن خلاف مہم چل رہی اے، اوہناں دے اپنے ایشوز نیں: میڈیا نال گل بات

لاہور(پاکستان پوائنٹ نیوز01۔جنوری2018ء) پیپلز پارٹی دے شریک چیئرمین آصف زرداری نے آکھیا اے کہ سیاست وچ نوابزدہ نصر اللہ دی کمی طاہر القادری نے پوری کیتی، سعودی عرب وچ کیہ ہو رہیا اے ایہدا مینوں پتا نہیں، سعودی عرب وچ کرپشن خلاف مہم چل رہی اے، اوہناں دے اپنے ایشوز نیں۔

میڈیا رپورٹس مطابق اج میڈیا نال گل بات کردے ہوئے آصف زرداری دا کہنا سی کہ سعودی عرب وچ کرپشن خلاف مہم چل رہی اے۔

ہو سکدا اے کہ سعودی عرب دے اپنے وی ایشوز ہون۔ سعودی عرب اسلامی دنیا دا اہم دوست ملک اے۔ شریف برادران سعودی عرب کیوں

گئے نیں ایہ ویلا دسے گا۔

اوہناں دا کہنا سی کہ سعودی وچ کیہ ہو رہیا اے ایہدا مینوں پتا نہیں اے پر سعودی عرب دا براہ راست کوئی اثر نہیں ہوئے گا۔

آصف زرداری نے آکھیا کہ سیاست وچ نوابزدہ نصر اللہ دی کمی سی ہن طاہر القادری دی صورت وچ پوری ہو رہی اے۔ جدوں این آر او ہویا اوس ویلے مارشل لاء دا دور سی تے اسیں سارے جیلاں وچ سی۔

اوہناں نے آکھیا کہ پرویز مشرف وچ اینا ساہ اے تے ملک واپس آ جائے۔اوہناں دا ہور کہنا سی کہ نیب سندھ وچ بہت ظلم کر رہی اے۔ نیب کول کہڑی صلاحیت اے جو نہراں دی لائینگ ناپدی اے؟