ملاوٹی دُدھ ویچن والیاں خلاف موت دی سزا متھن لئی لاہور ہائی کورٹ وچ درخاست دائر
لاہور(پاکستان پوائنٹ نیوز01۔جنوری2018ء) ملاوٹی دُدھ ویچن والیاں خلاف موت دی سزا متھن لئی لاہور ہائی کورٹ وچ درخاست دائر کر دتی گئی اے۔
درخاست عوام دوست پارٹی دے سربراہ انجینئر سید محمد الیاس ولوں دائر کیتی گئی اے۔درخاست وچ آکھیا گیا اے کہ پنجاب دے سارے شہراں وچ ملاوٹی دُدھ سرعام ویچیا جا رہیا اے۔
نرم قوانین پاروں ملاوٹ مافیا قانون دی پکڑ وچ نہیں آؤندا‘ ہر
سال ہزاراں بال ملاوٹی تے ناقص دُدھ کارن ہلاک ہو جاندے نیں۔
ناقص دُدھ پین دی وجہ توں شہری کئی روگاں دا شکار ہو رہے نیں۔ درخاست وچ آکھیا گیا اے کہ دنیا بھر وچ سخت قوانین دی وجہ توں ملاوٹی دُدھ ویچن اُتے سخت سزاواں نیں ۔
درخاست وچ بینتی کیتی گئی اے کہ عدالت قوانین وچ ترمیم کر کے ملاوٹی دُدھ ویچن والیاں خلاف کارروائی کردے ہوئے اوہناں لئی موت دی سزا مِتھے۔