سابق وزیر اعظم نواز شریف نے خاص ٹاسک پورا کرن دا حکم دتا اے جہنوں پورا کراں گے: وفاقی وزیر نجکاری دانیال عزیز
لاہور(پاکستان پوائنٹ نیوز27۔دسمبر2017ء) وفاقی وزیر نجکاری دانیال عزیز نے آکھیا اے کہ سابق وزیر اعظم نواز شریف نے خاص ٹاسک پورا کرن دا حکم دتا اے جہنوں پورا کرکے باقی دے کم فیر کراں گے۔
ایہناں خیالاں دا اظہار اوہناں نے پاکستان مسلم لیگ (ن) دے مشاورتی اجلاس مگروں اسلام آباد جان توں پہلاں میڈیا نال گل بات کردے ہو ئے کیتا۔
جاتی امرا وچ ہون والے ایس اجلاس وچ رلت لئی پاکستان مسلم لیگ (ن) دے جو رہنما تے وزیر اسلام آباد توں لاہور آئے سن
اوہ اجلاس ختم ہون مگروں واپس اسلام آباد چلے گئے۔
اسلام آبا د جان والیاں وچ سپیکر قومی اسمبلی سردار ایاز صادق، سابق وزیر اطلاعات پرویز رشید، (ن) لیگی رہنما حنیف عباسی، وفاقی وزیر دانیال عزیز، وزیر مملکت برائے اطلاعات و نشریات مریم اورنگزیب شامل سن۔
ایس موقعے تے گل بات کردے ہوئے وفاقی وزیر نجکاری دانیال عزیز نے آکھیا اے کہ سابق وزیر اعظم نواز شریف نے خاص ٹاسک پورا کرن دا حکم دتا اے جہنوں پورا کرکے باقی دے کم فیر کراں گے۔