نیب نے پیپلز پارٹی دے 2سابق وزیر اعظماں سنے اہم سیاسی رہنماواں خلاف کارروائی دا فیصلاکر لیا

اسلام آباد(پاکستان پوائنٹ نیوز27۔دسمبر2017ء) نیب ہیڈ کوارٹر وچ چیئرمین نیب جسٹس (ر) جاوید اقبال دی سربراہی وچ نیب دے ایگزیکٹو بورڈ دا اجلاس ہویا۔

اجلاس وچ پیپلز پارٹی دے سابق وزیر اعظماں سنے اہم سیاسی رہنماواں تے بیورو کریٹس خلاف کارروائی دا فیصلا کیتا گیا اے۔

تفصیل مطابق نیب ہیڈ کوارٹر وچ چیئرمین نیب جسٹس (ر) جاوید اقبال دی سربراہی وچ نیب دے ایگزیکٹو بورڈ دا اجلاس ہویا۔

نیب دے اجلاس وچ پیپلز پارٹی دے سابق وزیر اعظم یوسف رضا گیلانی تے راجا پرویز اشرف سنے اہم سیاسی رہنماواں خلاف کارروائی دا فیصلا کر لیا گیا اے۔

سابق افسراں نوں وی تحقیقات دے گھیرے وچ لیان دا فیصلا کر لیا گیااے۔نیب اجلاس وچ نندی پوری پروجیکٹ وچ سابق وزیر اعظم راجا پرویز اشرف تے بابر اعوان خلاف انویسٹی گیشن دی منظوری دتی گئی۔

نندی پور الیکٹرک پراجیکٹ وچ دیر کارن قومی خزانے نوں 113ارب رُپئے

دا نقصان ہویا۔ اجلاس وچ پیپلز پارٹی دے دو سابق وزیر اعظماں خلاف تحقیقات دا فیصلا کیتا گیا۔

یوسف رضا گیلانی اُتے سینڈک میٹلز دے سابق ایم ڈی دی تعیناتی وچ اختیاراں توں ودھن دا الزام اے۔ ایس توں وکھ اجلاس دوران سابق وزیر اعلا بلوچستان اسلم رئیسانی خلاف انویسٹی گیشن دی منظوری دتی گئی اوہناں اُتے اپنے رشتے داراں وچ سرکاری خزانے توں ارباں رُپئے ونڈن دا الزام اے۔

نیب وسیلیاں مطابق سابق چیئرمین متروکہ وقف املاک آصف ہاشمی خلاف کرپشن ریفرنس دائر کیتا جائے گا۔ آصف ہاشمی اُتے بورڈ دے 450پلاٹاں دی غیر قانونی الاٹمنٹ دا الزام اے۔

نیب اجلاس دوران چیئرمین پاکستان تمباکو بورڈ صاحبزادہ خالد، وزیر اعلا خیبرپختونخوا دے سابق مشیر سکندر عزیز ، سابق چیئرمین واپڈا طارق حمید تے سابق سیکرٹری لیبر سندھ نصرحیات خلاف کرپشن دا ریفرنس دائر کرن دی منظوری دے دتی گئی۔