لاہور(پاکستان پوائنٹ نیوز31۔اگست 2016ء) احمد بٹ نے آکھیا اے کہ حمیرا ارشد نوں اک نہیں بلکہ 3 طلاقاں دِتیاں نیں۔ تفصیل دے مطابق شوبز دی مشہور جوڑی حمیرا ارشد تے احمد بٹ وچکار طلاق ہو گئی اے۔
ایس حوالے نال منگل دے دیہاڑے خبر آئی سی کہ دوواں وچکار اک طلاق ہو گئی اے۔ پر ہُن ایس حوالے نال احمد بٹ ولوں آکھیا گیا اے کہ ساڈے دوواں وچکار اک نہیں بلکہ تِن طلاقاں ہو چکیاں نیں۔
نجی ٹی وی نال گل بات کردے ہوئے احمد بٹ نے آکھیا
کہ میں حمیرا نوں طلاقاں دے چُکیا واں۔ پر حمیرا نے تِن طلاقاں نوں منن توں انکار کردے ہوئے میرے نال رہن دی ضد کیتی۔
احمد بٹ نے الزام لایا کہ حمیرا دا بھرا جوئے دے کاروبار وچ ملوث اے۔ جدکہ حمیرادیاں اعتراض جوگ تصویراں وی میرے کول موجود نں۔
جدکہ دوجے پاسے حمیرا ارشد ولوں وی ایہ الزام لایا گیا اے کہ اوہناں نے احمد بٹ نوں گھر وچ اک دوجی کُڑی نال موقعے تے پھڑیا جہدے بعد توں ایہ ہُن گھٹیا الزام لا رہیا اے۔