کراچی(پاکستان پوائنٹ نیوز30۔اگست 2016ء) نویں چُنے گئے کراچی دے میئر وسیم اختر تے ڈپٹی میئر ارشد نے اپنے اپنے عہدیاں دا حلف چُک لیا، حلف ریٹرننگ افسر سمیع صدیقی نے لیا۔
تفصیل دے مطابق منگل نوں میئر تے ڈپٹی میئر کراچی دی حلف برداری دی تقریب منعقد کیتی گئی، جہدے وچ نویں چُنے گئے کراچی دے میئر تے ڈپٹی میئر نے رلت کیتی ، ایس دوران فاروق ستار ، اظہار الحسن تے سردار احمد شریک سن۔
حلف چُکن دے بعد میڈیا نال گل بات کردے ہوئے وسیم اختر نے آکھیا کہ میرے
خیال وچ میں آپ ای نعرہ لا دیانا واں، جئے متحدہ ، جئے بھٹو، جئے عمران خان۔
اوہناں نے آکھیا کہ میں کراچی دی عوام دا شکریا ادا کرنا واں تے سندھ حکومت دا وی شکریا ادا کرنا واں۔ اوہناں نے آکھیا کہ 9 مہینیاں بعد اسیں حلف چُکیا اے۔
اوہناں نے آکھیا کہ مراد علی شاہ سندھ دے نوجوان وزیر اعلا نیں جو مسائل دے حل لئی ساڈی مدد کرن گے۔ اوہناں نے آکھیا کہ ماضی وچ وی شہر چلایا تے اوہدے مسائل حل کیتے نیں ایس وار پہلے توں زیادہ شہر نوں چلان دا جذبا رکھدے آں۔