لاہور(پاکستان پوائنٹ نیوز07۔اکتوبر2017ء) ماڈل ٹاؤن دُکھانت وچ خوف کھلارن والے مشہور کردار شاہد عزیز المشہور گلو بٹ انسانیت دے علمبردار بن کے ساہمنے آ گئے‘ گلو بٹ نے حکمراناں اُتے زور دتا اے کہ ’مجھے کیوں نکالا‘ دا رولا چھڈ کے برما دے مسلماناں اُتے ہون والے ظلماں خلاف اواز چُکو، ماڈل ٹاؤن دُکھانت وچ میرے توں جو غلطی ہوئی اوہدے اُتے شرمندہ آں تے اپنے اوس کیتے اُتے پوری قوم توں معافی منگنا واں پر جہناں نے قتل کیتے اوہ ازاد پھر رہے نیں۔
ماڈل ٹاؤن دُکھانت
وچ گڈیاں بھنن توڑن والے گلو بٹ نے پچھلے دیہاڑے اپنے ساتھیاں نال برما دے مسلماناں نال یکجہتی دا وکھالا کیتا۔
گلو بٹ نے حکمراناں اُتے زور دتا اے کہ ’مجھے کیوں نکالا‘ دا رولا چھڈ کے برما دے مسلماناں اُتے ہون والے ظلماں خلاف اواز چُکو۔
گلو بٹ نے ایس موقعے تے گل بات کردے ہوئے آکھیا کہ میں سبھ توں پہلے ماڈل ٹاؤن دُکھانت اُتے ساری انسانیت تے خاص کر متاثراں لوکاں توں معافی منگنا واں۔ گلو بٹ دا ایس موقعے تے کہنا سی کہ مینوں اپنے کیتے اُتے بہت دُکھ اے۔