لاہور(پاکستان پوائنٹ نیوز07۔اکتوبر2017ء) ریڈیو پاکستان پرسوں(پیر) توں اک نویں انداز نال خبر نامے دی شروعات کر رہیا اے۔
خبر نامے دا دورانیہ ادھے گھنٹے توں ودھا کے اک گھنٹہ کیتا جا رہیا اے تے ایہدے وچ کئی نویں سلسلے شامل کیتے جا رہے نیں۔
نویں سلسلیاں وچ خبراں توں وکھ کھیڈاں‘ سائنس و ٹیکنالوجی، تجارتی‘
تفریحی خبراں تے موسمی صدرتحال دی تفصیل پیش کیتی جائے گی۔
خبر نامے وچ ملک بھر توں ریڈیو پاکستان دے نمائندیاں دیاں براہ راست رپورٹس وی شامل ہون گیاں۔ خبرنامہ 26لکھ بندیاں لئی فیس بک اُتے وی براہ راست چلایا جائے گا۔
یاد رہوے کہ ریڈیو پاکستان سویرے 6وجے توں رات بارھاں وجے تیکر خبراں چلاندا اے۔