نواز شریف نوں اقامہ اُتے نہیں بلکہ عدالت نال جھوٹھ بولن کارن کڈھیا گیا: محمد مالک
لاہور(پاکستان پوائنٹ نیوز06۔اکتوبر2017ء) سینئر تجزیا کار محمد مالک نے آکھیا اے کہ جمہوریت وچ جھوٹھ بولنا سبھ توں وڈا جرم اے، نواز شریف نے وی جھوٹھ بولیا تے رچرڈ نیکسن نے وی عدالت نال جھوٹھ بولیا سی ، جہدے کارن اوہناں نوں صدارت توں فارغ کر دتا گیا سی۔
اوہناں نے نجی ٹی وی دے پروگرام وچ گل بات کردے ہوئے آکھیا کہ ہر لیڈر
اکنامٹ نہیں ہوندا۔ کوئی میڈیکل دا ماہر وی ہوندا ، پر ہر لیڈر وچ دو گھناں دا ہونا ضروری ہوندا، اک اوہدے وچ اگانہ ویکھن دی صلاحیت تے دوجا اوہدے وچ سچ گل کرن دی ہمت ہوئے۔
محمد مالک دا کہنا سی کہ سچ تے جھوٹھ کارن ای لیڈر پرکھیا جاندا اے۔نواز شریف نوں اقامہ اُتے نہیں بلکہ عدالت نال جھوٹھ بولن کارن کڈھیا گیا۔