ساہیوال(پاکستان پوائنٹ نیوز25۔اگست 2016ء) ایڈیشنل سیشن جج ساہیوال محمد نعیم شیخ نے کنعان پارک وچ جھولا ٹُٹن دے کیس وچ گرفتار 5 ملزم محمد طارق اوہدے پُتر محمد عارف ،انصاف حسین، الطاف تے احمد علی دی ضمانت منظور کر کے اوہناں نوں رہا کرن دا حکم دے دِتا اے۔
جدکہ عدالت نے ایس مقدمے دے ہور 5 ملزم محمد شفیق ڈوگر اسسٹنٹ ڈائریکٹر پارکس،
سپرنٹنڈنٹ نسیم بابر، اقبال، گیٹ کیپر طارق تے ٹھیکیدار خالدہ چودھری صدر شعبہ خواتین مسلم لیگ ن ساہیوال دی عبوری ضمانت کنفرم کر دِتی اے۔
تے ملزماں نوں اک اک لکھ رُپئے دے ضمانتی مچلکے جمع کروان دا حکم دِتا اے۔یاد رہوے کہ 7 جولائی نوں کنعان پارک ساہیوال وچ جھولاڈِگن دے نتیجے وچ 70 توں ودھ بال تے سوانیاں زخمی ہو گئیاں سن۔