لاہور(پاکستان پوائنٹ نیوز25۔اگست 2016ء) وزیر اعلا پنجاب محمد شہباز شریف ترکی دے صدر رجب طیب اردگان دی اُچیچی دعوت اُتے ترکی روانا ہو گئے۔
وزیر اعلا پنجاب میاں شہباز شریف اپنے دورے دوران ترک صدر رجب طیب اردگان تے ہور رہنماواں نال ملاقات کرن گے۔ ترکی روانگی توں پہلے جمعرات دے دیہاڑے وزیر اعلا نے ائر پورٹ اُتے
پرچا کاراں نال گل بات کردے ہوئے آکھیا کہ پاکستان تے ترکی وچ تواریخی تہذیبی، ثقافیت تے برادرانا تعلقات نیں۔
دوویں ملکاں دے عوام وچ دو پاسی احترام ورگا رشتا اے۔ اوہناں نے آکھیا کہ پاکستان تے ترکی دے آپسی وچ ڈونگھے تعلقات نیں۔ پنجاب تے ترکی وچ تعاون دوویں ملکاں دی دوستی نوں نویاں اُچیائیاں ول لے جاوے گا۔