عائشہ گلا لئی ہسپتالاں دے ناں اُتے سیاست نہ کرے‘ روگیاں نوں ساریاں سہولتاں مل رہیاں نیں: شہرام خان ترکئی

پشاور(پاکستان پوائنٹ نیوز07۔ستمبر2017ء) خیبر پختونخوا دے وزیر صحت شہرام ترکئی نے آکھیا اے کہ ڈینگی نال ہن تیکر 18بندے ہلاک ہوئے نیں‘عائشہ گلا لئی ہسپتالاں دے ناں اُتے سیاست نہ کرے‘ روگیاں نوں ساریاں سہولتاں دتیاں جا رہیاں نیں۔

صوبائی وزیر صحت ترکئی دا ہیلتھ سیکرٹریٹ وچ پریس کانفرنس کردے ہوئے کہنا سی کہ ڈینگی بارے محکمہ تعلیم دے تعاون نال سکولاں وچ ڈاکٹراں نوں گھل کے ڈینگی آگاہی مہم چلاواں گے۔

مختلف ہسپتالاں وچ ڈینگی دے 450روگی داخل نیں‘ ہن تیکر

ڈینگی نال 18موتاں ہوئیاں۔ وزیر صحت دا کہنا سی کہ صرف ڈینگی ای نہیں بلکہ ہیلتھ دے ہور وی مسئلیاں نوں حل کرنا اے۔

پشاور توں وکھ مردان‘ بونیر تے ہور علاقیاں وچ ڈینگی وائرس کھلر رہیا اے۔ اوہناں دا کہنا سی کہ بہت سارے لوکاں دے گھراں دیاں ٹینکیاں ڈھکیاں ہوئیاں نہیں نیں۔

شہرام ترکئی نے آکھیا کہ پنجاب دی ٹیم نوں مُڑ جی آیاں آکھاں گے۔اوہناں دا کہنا سی کہ عائشہ گلا لئی ہسپتالاں دے ناں اُتے سیاست نہ کرے روگیاں نوں ساریاں سہولتاں مل رہیاں نیں۔