امریکا یاد رکھے پاکستانی حکومت، فوج تے قوم اکٹھی اے: عمران خان پوری قوم نوں ٹرمپ دے فیصلے دی نندیا کرنی چاہیدی، وزیر اعظم نوں امریکی صدر نوں سخت پیغام دینا چاہیدا،پاکستان خلاف بھارتی تے اسرائیلی لابی امریکا وچ اکٹھی کم کر رہی اے، امریکا نے پاکستان دیاں خدمتاں نوں بُھلا کے بھارت نوں افغانستان دا ٹھیکے دار بنا دتا:پریس کانفرنس

اسلام آباد(پاکستان پوائنٹ نیوز23۔اگست2017ء) تحریک انصاف دے چیئرمین عمران خان نے امریکی صدر دی پاکستان بارے پالیسی نوں تنقید دا نشانہ بناندے ہوئے آکھیا اے کہ امریکا یاد رکھے پاکستانی حکومت، فوج تے قوم اکٹھی اے، پوری قوم نوں ٹرمپ دے فیصلے دی نندیا کرنی چاہیدی، وزیر اعظم نوں امریکی صدر نوں سخت پیغام دینا چاہیدا،پاکستان خلاف بھارتی تے اسرائیلی لابی امریکا وچ اکٹھی کم کر رہی اے، امریکا نے پاکستان دیاں خدمتاں نوں بُھلا کے بھارت نوں افغانستان دا ٹھیکے دار بنا دتا۔

تفصیل مطابق عمران خان نے امریکی صدر ڈونلڈ ٹرمپ دے پاکستان مخالف پالیسی بیان اُتے پریس کانفرنس کردے ہوئے آکھیا کہ حکمراناں دی چُپ اُتے میں قومی ردعمل دے رہیا واں۔

وزیر اعظم تے وزیر خارجا نے ٹرمپ دے بیان اُتے ردعمل نہیں دتا جدکہ چین نے ایس معاملے اُتے پاکستان دا ساتھ دتا اے۔

عمران خان دا کہنا سی کہ امریکا

نے بھارت نوں افغانستان دا ٹھیکیدار بنا دتا اے۔ پاکستان دا جنگ وچ 100ارب رُپئے دا نقصان ہویا۔

70ہزار پاکستانی دہشت گردی دی جنگ وچ شہید ہو گئے نیں۔ قبائلی علاقیاں دے لوک اجے تیکر اپنے گھراں نوں واپس نہیں گئے۔

عمران خان نے آکھیا کہ وزیر اعظم نوں امریکی صدر نوں سخت پیغام دینا چاہیدا۔ پوری قوم نوں ٹرمپ دے ایس فیصلے دی نندیا کرنی چاہیدی۔

اوہناں دا کہنا سی کہ وزیر اعظم نوں چاہیدا کہ اوہ نواز شریف دی خدمت کرن دی بجائے امریکا نوں بھرپور جواب دین۔ ٹرمپ دے بیان اُتے پارلیمنٹ دا اجلاس سدیا جانا چاہیدا۔

عمران خان دا کہنا سی کہ امریکا یاد رکھے پاکستانی حکومت، فوج تے قوم اکٹھی اے۔ اوہناں نے آکھیا کہ ڈیڈھ لکھ فوجی امن قائم نہیں کر سکے جدکہ ہن ٹرمپ نے ہور افغانستان وچ فوجی گھلن دا اشارا دتا اے۔

اوہناں دا کہنا سی کہ ہندوستان پاکستان اندر دہشت گردی کر رہیا اے۔