اسلام آباد(پاکستان پوائنٹ نیوز23۔اگست2017ء) سابق وزیر اعظم نواز شریف دی نااہلی توں ای مسلم لیگ (ن) دی قیادت نوں اوکڑاں دا ساہمنا اے۔
این اے 120دے ضمنی الیکشن وچ مسلم لیگ (ن) دی امیدوار بیگم کلثوم نواز نے الیکشن کمیشن وچ کاغذات نامزدگی نال اپنا اقامہ تے جمع کروایا پر کمپنی نال ہون والے سمجھوتے دی کاپی نال نہیں لائی۔
ٹھیک انجے ای مری دی رہائش گاہ نوں وی بیگم کلثوم نواز نے اپنے اثاثیاں
وچ ظاہر کیتا پر رہائش گاہ وچ موجود قیمتی سامان تے فرنیچر ا کوئی ذکر نہیں کیتا۔
ایس توں وکھ الیکشن کمیشن وچ بیگم کلثوم نواز نے اپنے شوہر نواز شریف دا ٹیکس ریکارڈ وی کاغذات نال نہیں لایا۔ دوجے پاسے نواز شریف دے 2014،2015 تے 2016دے ٹیکس ریکارڈ وچ وی تضاد ساہمنے آیا اے۔
اوہناں نے وی ٹیکس ریفنڈ توں ملن والی رقم تے 2016دی ویلتھ سٹیٹمنٹ اثاثیاں دے خانیاں وچ ظاہر نہیں کیتی۔