سینیٹ دی قائما کمیٹی برائے دفاعی پیداوار د ااجلاس کورم پورا نہ ہون پاروں بغیر کارروائی دے ملتوی
اسلام آباد (پاکستان پوائنٹ نیوز18۔اگست 2016ء) سینیٹ دی قائما کمیٹی برائے دفاعی پیداوار دا اجلاس کورم پورا نہ ہون پاروں بغیر کارروائی دے ملتوی کر دِتا گیا۔
تفصیل دے مطابق جمعرات دی دیہاڑے سینیٹ دی قائما کمیٹی دا اجلاس چیئرمین کمیٹی سینیٹر لیفٹیننٹ جنرل (ر) عبدالقیوم دی صدارت ہیٹھ ہویا، جدکہ ممبراں دے اجلاس وچ حاضر نہ ہون اُتے خفگی دا اظہار کردے
ہوئے عبدالقیوم نے آکھیا کہ افسوس دی گل اے کہ 69 ورھے لنگھن دے بعد وی اسیں ویلے دی پابندی کرنا نہیں سکھے۔
اوہناں دا کہنا سی کہ اہم اجلاس وچ ممبراں نے کنفرم کرن دے باوجود رلت نہیں کیتی تے ایہ معاملا ایوان بالا وچ چُکاں گے۔
جدکہ ممبراں دے انتظار کرن دے بعد جدوں ممبر نہ پہنچے تے سینیٹر لیفٹیننٹ جنرل (ر) عبدالقیوم نے اجلاس نوں ملتوی کردِتا۔