بلوچستان وچ بھارتی وزیر اعظم دے جھیڑوے بیان خلاف لوک سڑکاں اُ تے آگئی، بلوچستان دے کئی شہراں وچ شہریاں دا بھارتی مداخلت خلاف اپنے جذبات دا وکھالا

کوئٹہ (پاکستان پوائنٹ نیوز18۔اگست 2016ء) بلوچستان دی لوکائی نے نریندر مودی دے بیان نوں رد کر دِتا۔ بھارتی مداخلت تے جھیڑوے بیان خلاف بلوچستان وچ وکھالے جاری۔

تفصیل دے مطابق بھارتی وزیر اعظم دے جھیڑوے بیان خلاف جمعرات دے دیہاڑے بلوچستان دے کئی شہراں وچ وکھالے کیتے گئے۔

چمن، چاغی، دالبندین، سبی تے نوشکی وچ وکھالا کردے ہوئے لوکائی نے بھارتی مداخلت تے مودی دے بیان خلاف ریلی کڈھی۔

ریلی وچ ہندو

برادری دی وی وڈی گنتی موجود سی۔جدکہ کوئٹہ وچ لوکاں نے ریلی کڈھدے ہوئے وزیر اعظم دا پُتلا ساڑیا تے بھارت خلاف نعرے بازی کیتی۔

یاد رہوے کہ بھارت دے آزادی دیہاڑ دے موقعے اُتے بھارتی وزیراعظم نے تقریر کردے ہوئے آکھیا سی کہ کشمیر دی موجودہ صورتحال پاروں سرحد پار پاکستان ہون والی دہشت گردی اے، تے ہُن پاکستان نوں وی بلوچستان تے آزاد کشمیر وچ مبینا زیادتیاں لئی دُنیا سامنے جواب دینا پئے گا۔