پاناما کیس وچ مڈل مین بنان دی کوشش اُتے وزیر اعظم نوں کیہ جواب دتا گیا؟عارف حمید بھٹی نے اندر دی کہانی بیان کر دتی
اسلام آباد(پاکستان پوائنٹ نیوز08۔جون2017ء) نجی ٹی وی چینل دے اک پروگرام وچ گل بات کردے ہوئے سینئر تجزیا کار عارف حمید بھٹی نے آکھیا کہ ضیاءالحق دی پیداوار نواز شریف نیں، چیفس آف آرمی سٹاف نال جھیڑے نواز شریف نے کیتے، حدیبیہ پیپرز پاناما وچ الزام نواز شریف اُتے نیں تے پاناما دا کیس وی شریف خاندان خلاف اے پر ایہناں سارے کیساں وچوں کسے اک وچ وی اوہناں نوں سزا نہیں ہوئی۔ پاکستان دی اہم ترین شخصیت نال
ملاقات وچ اہم ترین ادارے دے سربراہ نوں آکھیا گیا اے کہ پاناما کیس وچ کوئی وچکارلا راہ کڈھیا جائے تے اہم ترین ادارے دا مڈل مین وچ پایا گیا اے ۔ وزیر اعظم نے آکھیا کہ دوجی صورت وچ اسیں ٹکراواں گے جہدے اُتے اہم ترین ادارے دے سربراہ نے آکھیا کہ پاناما کیس اک جوڈیشل معاملا اے ایہدے وچ اسیں نہ تے کوئی دخل اندازی کیتی اے تے نہ اسیں آن والے ویلے وچ دخل اندازی کراں گے۔