(ن) لیگی سینیٹر مشاہد اللہ پی آئی اے نوں چونا لا گئے لندن یاترا دوران پی آئی اے دے خرچے اُتے لگژری ہوٹل وچ ٹھہرے: میڈیا رپورٹ
اسلام آباد(پاکستان پوائنٹ نیوز08۔جون2017ء) (ن) لیگی رہنما و سینیٹر مشاہد اللہ پی آئی اے نوں چونا لا گئے۔ تفصیل مطابق مشاہد اللہ اپنی لندن یاترا وچ پی آئی اے دے خرچے تے لگژری ہوٹل وچ رہے۔
مشاہد اللہ 21توں 28مارچ تیک علاج لئی لندن رہے۔ مشاہد اللہ نوں لندن وچ قیام دوران پی آئی اے پینل اُتے موجود میٹر یٹ ہوٹل لندن وچ ٹھہرایا گیا۔
میڈیا رپورٹس
وچ دسیا گیا کہ ہوٹل دے مطابق مشاہد اللہ نوں پی آئی دے ملازم ظاہر کیتا گیا جدکہ ملک واپسی اُتے مشاہد اللہ نے حکومت توں اپنے علاج دی مد وچ ساڈھے 19لکھ رُپئے لئے۔
میڈیا اُتے پی آئی اے عملے ولوں دتے گئے ڈاکومینٹس وی ساہمنے آ گئے نیں۔ ایتھے ایہ گل وی ذکر جوگ اے کہ مشاہد اللہ دا بھرا لندن دے ہیتھرو ائر پورٹ اُتے پی آئی اے دا سٹیشن منیجر اے۔