پشاور(پاکستان پوائنٹ نیوز01۔اپریل2017ء) پی ٹی آئی چیئرمین عمران خان دا کہنا اے کہ آرمی چیف جنرل قمر جاوید باجوہ پاکستان وچ جمہوریت نال کھلوتے نیں۔
تفصیل دے مطابق پشاور وچ بلین ٹری منصوبے بارے اک تقریب نال خطاب کردے ہوئے عمران خان دا کہنا سی کہ گلوبل وارمنگ وچ پاکستان سبھ توں بُہتا متاثر اے۔
اوہناں نے آکھیا کہ بلین ٹری منصوبے دا آڈٹ ڈبلیو ڈبلیو ایف نے کیتا جہدے وچ ویکھیا گیا کہ 85فیصد کامیابی
ملی۔ انشا اللہ چھیتی ای ایہ منصوبہ مکمل ہو کے دوجے صوبیاں لئی مثال بن جائے گا۔
عمران خان نے آکھیا کہ اسیں ٹمبر مافیہ توں نہیں ڈردے اوہناں دا مقابلا کراں گے۔ اسیں 22ارب رُپئے دی 60ہزار کنال زمین ٹمبر مافیہ توں واپس لتی اے۔
تقریب نال خطاب وچ عمران خان نے آکھیا کہ آرمی چیف جمہوریت نال کھلوتے نیں۔ چیتے رہوے کہ پچھلے دیہاڑے آرمی چیف تے پی ٹی آئی چیئرمین عمران خان وچکار ملاقات وی ہوئی سی۔