پاکستان اندر دہشت گردی لئی افعانستان توں 12آپ مارو حملا آواراں دی تیاری دا انکشاف
لاہور(پاکستان پوائنٹ نیوز23۔فروری2017ء) پاکستان اندر دہشت گردی لئی افغانستان توں 12آپ مارو حملا آواراں دی تیاری دا انکشاف ہویا اے، پولیس تے ہور قانون نافذ کرن والے اداریاں نے لاہور توں گرفتار سہولت کار انوارلحق کولوں ملن والیاں معلومات مگروں ہور گرفتاریاں تے دہشت گردی نوں ناکام بنان لئی ٹیماں بنا دِتیاں۔
میڈیا رپورٹس دے مطابق صوبائی وزیر قانون
نے ایہ انکشاف کیتا اے کہ لاہور وچ ہون والی دہشت مگروں جو سہولت کار انوارلحق گرفتار ہو یا اے اوہدے توں ملن والیاں اطلاعواں دے مطابق لاہور وچ ہون والے بم دھماکے توں وکھ 12ہور آپ مارو حملا آور پاکستان اندر دہشت گردی لئی تیار نیں۔
وسیلیاں دے مطابق معلومات مگروں پولیس تے حساس اداریاں نے دہشت گردی دے ہور واقعات نوں روکن لئی ٹیماں بنا دِتیاں نیں۔