ویسٹ انڈیز و پاکستان نا نیام اٹ مسہ ون ڈے کرکٹ میچ آتا سیریز نا اولیکو میچ (پگہ) جمعہ نا دے گوازی کننگک
گیانا(پاکستان نیوز پوائنٹ 5اپریل2017ء) ویسٹ انڈیز و پاکستان نا کرکٹ ٹیم تا نیام اٹ مسہ ون ڈے میچ آتا تالان سیریز نا اولیکو میچ (پگہ) جمعہ نا دے پراویڈینس اسٹیڈیم، گیانا نا ہند آ گوازی کننگک۔
پاکستان کرکٹ ٹیم داکان مست چار ٹی ٹونٹی کرکٹ میچ آتا سیریز اٹی میزبان ٹیم ءِ 3-1 اٹ شکست تسونے۔ ہڑتوم آ ٹیم تا نیام اٹ ون ڈے سیریز
نا ارٹ میکو ون ڈے میچ 9 اپریل آ گیانا ٹی گوازی کننگک وخت اس کہ مسٹ میکو آخریکومیچ 11اپریل آ ہندا ہند آ گوازی کننگک۔
ہڑتوم آ ٹیم تا نیام اٹ مسہ ٹیسٹ میچ آتا سیریز نا اولیکومیچ 22 اپریل آ جمیکا ٹی بناکیک، ارٹ میکو ٹیسٹ میچ 30 اپریل آن بارباڈوس اٹی بناکیک و مسٹ میکو و آخریکو ٹیسٹ میچ 10مئی آن ڈومینیکا ٹی بناء کیک۔