ویسٹ انڈیز و پاکستان نا نیام اٹ چار ٹی ٹونٹی کرکٹ میچ آتا سیریز نا ارٹ میکو میچ (پگہ) گوازی کننگک پاکستان ءِ سیریز اٹی 1-0 نا برتری دوئی

ٹرینیڈاڈ(پاکستان نیوز پوائنٹ 28مارچ2017ء) ویسٹ انڈیز و پاکستان نا کرکٹ ٹیم تا نیام اٹ چار ٹی ٹونٹی میچ آتیا تالان سیریز نا ارٹ میکو میچ (پگہ) پنچ شنبے نا دے پورٹ آف سپین، ٹرینیڈا نا ہند آ گوازی کننگک ۔

پاکستان ءِ چار میچ آتا سیریز اٹی میزبان ٹیم انا برخلاف 1-0 برتری دوئی ءِ۔ پاکستان ویسٹ انڈیز نا ٹیم ءِ اولیکو ٹی ٹونٹی میچ اٹی 6 وکٹ آتے اٹ شکست تسوسس۔

یات سلے کہ ہڑتوم آ ٹیم تا نیام اٹ سیریز نا مسٹ میکو میچ یکم اپریل آ پورٹ آف سپین ، ٹرینیڈا نا ہند آ گوازی کننگک وخت اس کہ سیریز نا چار میکو و آخریکومیچ 2 اپریل آ ہندا ہند پورٹ آف سپین، ٹرینیڈا

نا ہند آ گوازی کننگک۔

پاکستان کرکٹ ٹیم دورہ ویسٹ انڈیز اٹی چار ٹی ٹونٹی میچ آتا سیریز آن بیدس مسہ ون ڈے و مسہ ٹیسٹ میچ آتا سیریز گوازی کیک۔

ہڑتوم آ ٹیم تا نیام اٹ ون ڈے سیریزنا اولیکو میچ 7 اپریل آ گیاناٹی گوازی کننگک۔ ارٹ میکو ون ڈے میچ 9 اپریل آ گیانا ٹی گوازی کننگک وخت اس کہ مسٹ میکو و آخریکو میچ 11 اپریل آ ہند ا ہند آ گوازی کننگک۔

ہڑتوم آ ٹیم تا نیام اٹ مسہ ٹیسٹ میچ آتا سیریز نا اولیکو میچ 22 اپریل آ جمیکا ٹی بناء کیک، ارٹ میکو ٹیسٹ میچ 30 اپریل آن بارباڈوس اٹی بناء کیک و مسٹ میکو و آخریکو ٹیسٹ میچ 10مئی آن ڈومینیکا ٹی بناء کیک۔