ٹھوس فضلہ نا بست و بند و اودے دُوارہ کارآمد جوڑ کننگ نا بل 2017ء قومی اسمبلی ٹی پیش
اسلام آباد(پاکستان نیوز پوائنٹ 31جنوری2016ء) قومی اسمبلی ٹی المی ٹھوس فضلہ نا بست و بند و اودے دُوارہ کارآمد جوڑ کننگ نا بل 2017ءءِ قومی اسمبلی ٹی پیش کننگا۔
سے شنبے آ قومی اسمبلی نا دیوان اٹی میجر (ر) طاہر اقبال تحریک نا کمک اٹ المی ٹھوس فضلہ نا بست و بند و اودے دُوارہ کارآمد جوڑ کننگ نا بل 2017ء ءِ پیش کننگ نا موکل خواہس۔
موکل ملنگ آ میجر (ر) طاہر اقبال بل ءِ ایوان اٹی پیش کرے و پارے کہ مچ آ پاکستان اٹی ٹھوس فضلہ ءِ ٹھکانہ خلنگ نا ہچ ءُ بست و بند اس اف۔
داڑآن ناجوڑی تالان مننگ ءِ۔ مچ آ دنیا ٹی دادے دُوارہ کارآمد جوڑ کرسا بجلی جوڑ کننگ تون اوار کیہی کاریم ہلنگ انگ ءِ ، غٹ ہاؤسنگ سوسائٹی تے بایدے مرے کہ فضلہ ءِ ٹھکانہ خلنگ نا بست وبند کیر۔