عمران خان سیاست آنبار عدالت اٹی ہم تینا موقف ءِ بدلیفنگ ءِ ، وزیر دفاع خواجہ محمد آصف نا میڈیا تون ہیت وگپ

اسلام آباد(پاکستان نیوز پوائنٹ 26جنوری2016ء) وزیر دفاع خواجہ محمد آصف پارینے کہ عمران خان سیاست آنبار عدالت اٹی ہم تینا موقف ءِ بدلیفنگ ءِ ، عمران خان الس نا وونٹ و جمہوریت نا عمل آن بیدس لاٹری و ایمپائرآ یخین تخک ، وزیراعظم محمد نواز شریف نا پن پاناما پیپرز اٹی اف۔

پنچ شنبے آ داڑے میڈیا تون ہیت وگپ کرسااوپارے کہ اینو مسلم لیگ (ن) نا وکیل مریم نواز شریف نا وزیراعظم نا زیرکفالت مفننگ نا شاہدی عدالت اٹی داخل کرفینے۔

اوپارے کہ ہرادے آن پاناما کیس چلینگ انگ ءِ عمران خان سیاست آنبار عدالت اٹی ہم ہردے تینا موقف ءِ بدلیفنگ ءِ۔ خواجہ آصف پارے کہ ننا موقف اٹی تسلسل ءِ و انشاء اللہ ہندا تسلسل سرسہبی نا ضمانت ثابت مریک، دا ثابت مسنے کہ وزیراعظم نا پن پاناما پیپراٹی اوار اف۔

اوپارے کہ 1999ء ٹی جنرل (ر) پرویز مشرف نا کنڈآن وزیراعظم

محمد نواز شریف نا حکومت نا چٹنگ نا وخت عمران خان آمریت نا مخ تفی ءِ کریسس، او اومیت تخاسس کہ دھرنہ غاتیان پوسکن ءُ موڑ اس بریک و اونا وزیراعظم جوڑ مننگ نا کسر صاف مریک۔

عمران خان الس نا وونٹ و جمہوریت نا عمل آن بیدس لاٹری و ایمپائر آ یخین تخک۔ اوپارے کہ انشاء اللہ ننا و مچ آ قوم انا یخین اللہ تعالیٰ و عمران خان نا یخین دنیاوی ایمپائر آٹی ءِ۔

وزیر دفاع پارے کہ دنیا ٹی اسہ جاگہ اس ہم سیاست دان اس مسہ نسل آتا حساب ءِ تتنے۔ خواجہ آصف پارے کہ وزیراعظم ہر دے اسہ پوسکن ءُ شونداری کاریم اسے نا بناءِ کننگ ءِ انتئے کہ او الس و ملک ءِ شونداری و رکھوک جوڑ کننگ خوائک وخت اس کہ عمران خان شونداری نا سفر ءِ توننگ نا کوشست کننگ ءِ۔

اوپارے کہ عمران خان جندی غرض و مسخت آتیٹی گنوک مننگ ءِ ، انشاء اللہ اونا توازن قائم مریک۔