بنجاہی وزیر احسن اقبال ءِ پاگواجہی جے سی سی ءِ اولی مشاورتی مراگش ءَ خیبر پختونخوا ءِ گورنر ءُُ سر وزیر گلگت بلتستان ءَ بہر زرتگ
اسلام آباد(پاکستان نیوز پوائنٹ 22دسمبر2016ء) بنجاہی وزیر منصوبہ بندی دیمرویءُُ گہتری احسن اقبال ءِ پاگواجہی پلاننگ کمیشن ءَ پنچ شمبے ءَ چین پاکستان جوائنٹ کو اپریشن کمیٹیءِ اولی مشاورتی مراگش بوتگ۔
جے سی سی ءِ مراگش 29دسمبر ءَ چین ءَ بیت۔ مراگش ءَ سر وزیر خیبر پختونخوا پرویز خٹک ، سر وزیر گلگت بلتستان حفیظ الرحمن بہر زرت انت۔
اے موہ ءَ گورنر خیبر پختونخوا اقبال
ظفر جھگڑا ءَ ہم بہر زرتگ۔ اے موہءَ بنجاہی وزیر منصوبہ بندی احسن اقبال ءَ گشتگ کہ سی پیک یک حکومت یا صوبہ ءِ منصونہ نہ انت بلکں درستیں ملک ءِ منصوبہ انت، ماں کل آں یکجا بوھگءَ اے منصوبہ ءِ سر سوب کنگی انت۔
آئی ءَ گشتگ کہ مارا یکجا اے منصوبہ ءِ ھلاپ سازشت ءِ مقابلہ کنگ بیت۔ آئی ءَ گشتگ کہ سی پیک منصوبہ تقدیر بدل کنگ ءِ منصوبہ آئی ءَ درستیں ملک ءَ پائدگ بیت۔