اسلام آباد۔ (پاکستان نیوز پوائنٹ 22دسمبر2016ء) حب ءَ درگاہ شاہ نورانی ءَ زائرین آنی ھاتر ءَ پدا پچ کرت انت۔ نجی ٹی وی چینل ءِ ردا صوبہ بلوچستان ءِ دمگ حبءَ درگاہ شاہ نورانی ءِ سرا 12نومبر ءَ بوؤکیں وت کش اُرش ءِ 40روچ پد درگاہ ءَ زائرین آنی ھاتر ءَ پدا پچ کرت انت۔
حکام ءِ ردا درگاہ ءِ سرا وت کش بمب اُرش ءَ پد درستیں جوڑ ءُُ جاڑی کار سرجم کنگءَ باندات ءِ ھاتر ءَ سیکورٹی پلان
ہم لڑ ءُُ بند داتگ انت، درگاہ ءَ پدا پچ کنگءَ پد سیکورٹی ءِ انتظامات رینجرز ءِ ھوالہ ءَ کرتگ انت ءُُ زائرین آں سرجم تلاشیءَ پد مزار ءِ سرا روگ ءِ موکل دئیگءَ انت۔
دلگوش بہ بیت کہ درگاہ شاہ نورانی ءِ سرا 12نومبر ءَ دھمال مان کنگءَ ات انت کہ اے وھد ءَ یک وت کش اُرش کنوک ءَ وت ءَ دھماکہ کرتگ آئیءِ آسر ءَ زالبول آنی ھواری ءَ درجن آنی مردم بیرانءُُ ٹپی بوتگ ات انت۔