سی پیک آن بلوچستان اٹی شونداری نا پوسکن آ درگہ غاک ملنگرہ، بنجائی وزیر ڈٹ بندی و شونداری پروفیسر احسن اقبال

اسلام آباد(پاکستان نیوز پوائنٹ 8دسمبر2016ء) بنجائی وزیر ڈٹ بندی و شونداری پروفیسر احسن اقبال پارینے کہ چین پاکستان اقتصادی راہداری ڈٹ(سی پیک) آن صوبہ بلوچستان کن شونداری نا پوسکن آ درگہ غاک ملنگرہ ، ڈٹ انا دیکی روٹ انا رداٹ شبہات آک غلط ثابت مسنو و داروٹ آن چین انا اولیکو واپاری قافلہ دے ٹکی نیامی کن گڑاتے ہرفسا رادہ مسنے۔

پنچ شنبے آ داڑے اسہ ریلیز اسے نا رداٹ بنجائی وزیر احسن اقبال پارینے کہ سی پیک ڈٹ گیم چینجر اسے ہراڑآن ڈیہہ ٹی شونداری و شونہالی نا پوسکن آ دور انا بنامریک۔

سی پیک آن گوادر واپاری سرجزآتا ہب(بنجا) مریک ہراڑآن داعلاقہ ٹی نیزگاری ٹی کمتی بریک و شاری تیکن ملازمت آتا وارخواہی

ودی مریک۔

اوپارے کہ سی پیک آن پاکستان درملکی زرکاری ءِ دانگ اتنگ اٹی سرسہب مسنے و چین نا سروک پاکستان نا صنعتی بشخ انا شونداری کن پرعزم ءِ۔

اوپارے کہ مسکوہی 67سال آتیٹی پاکستان اٹی صرف 17ہزار میگاواٹ بجلی ودی مسنے وخت اس کہ داڈٹ انا کمک اٹ بروک آ مسہ سال انا وخت بجلی نا قومی نظام اٹی 11ہزارمیگاواٹ بجلی اوار مریک ہراڑآن توانائی نا کاختی نامون ءِ توننگ اٹی کمک رسینگک۔

اومستی پارے کہ دیامر بھاشاڈیم نا افتتاح بروک آ سال مریک۔ اوپارے کہ پاکستان ءِ معاشی وڑاٹ سوگو جوڑ کننگ کن ساڑی آ حکومت نا معاشی ایجنڈہ بھاز اہم ءِ۔ اوپارے کہ حکومتی گام گیج آتا سوب شرح نمو ٹی نمان ودیکی مسنے۔