سینیٹ دیوان ، چشمہ نیو کلیئر پاور پلانٹ آن 320میگاواٹ پیداوار دسمبر اٹی بناء کیک، ڈاکٹر طارق فضل چوہدری

اسلام آباد(پاکستان نیوز پوائنٹ 25نومبر2016ء) وزیر مملکت کیڈ ڈاکٹر طارق فضل چوہدری پارینے کہ چشمہ نیو کلیئر پاور پلانٹ آن 320میگاواٹ پیداواردسمبر اٹی بناء کیک، چشمہ ڈی آئی خان ڈبل سرکٹ ٹرانسمیشن لین آ کاریم نا بناء مسنے۔

ڈی آئی خان آن ژوب اسکان ڈبل سرکٹ ٹرانسمیشن لین نا کاریم اکتوبر 2018ء اسکان پورو مریک۔ جمعہ آ ایوان بالا ٹی سینیٹر عثمان کاکڑ و ایلو باسک آتا توجوہ ترفوک نوٹس نا ورندی ٹی اوپارے کہ ژوب ءِ بجلی نا فراوانی نا ڈٹ اِرا مرحلہ غاتیٹی پورو کننگ انگ ءِ۔

داوخت آ چشمہ نیو کلیئر پاور پلانٹ آن آزمائشی پیداوار

جاری ءِ۔ دسمبر اٹی دا ڈٹ پورو پیداوار نابناءِ کیک۔ چشمہ آن ڈی آئی خان اسکان ڈبل ٹرانسمیشن لین شاغنگ نا کاریم نا بنامسنے۔

دا84کلو میٹر مریس لین اسے، ڈٹ وخت آ پورو مریک۔ اوپارے کہ ارٹ میکو مرحلہ ڈی آئی خان آن ژوب اسکان ڈبل سرکٹ ٹرانسمیشن لین نا ءِ ہرانا مرغنی 220کلومیٹر ءِ۔

داڑآہم پیش رفت جاری ءِ و دانا پی سی ون نا ایکنک منظوری ءِ تسنے ہراڑآ جم خڑچ انا تخمینہ 6ارب 62کروڑ پنجالکھ روپئیءِ۔

دانا ٹینڈر جاری کننگ انگ ءِ و داڑتون اوار اوار 220کے وی نا اسہ گریڈ اسٹیشن اس ہم اڈتننگک۔ دا ڈٹ اکتوبر 2018ء اسکان پورو کننگک۔